Vitalization

BQfD77uCQAAyL_T

 

估唔到今次咁快送到

感覺還好,8月16好似會有台灣行貨中文版,其實有代理好多年架喇,不過係近幾次先咁多宣傳

遲D會係台灣開演唱會,唔知買唔買到飛,睇FB好似話得1000個位,真係人唔笑狗都吠

希望到時會有辦法買到啦,大概會洗5~6萬港紙當去一次旅行咁

其實我唔係話真係咁大興趣去睇LIVE,去過一次之後其實,我覺得好噁心

有D人都唔係去睇LIVE而係去睇AV咁…好撚變態

老翻動漫節

琴日第一日去完,好夜先去所以唔算太多人

講真,我覺得人係年年愈來愈多,但就愈做愈衰…
入面D假野多到呢,唔識果D入去仲以為執到平野,但香港人好明顯,就係唔識先會去,唔識先會買,君不見每次電腦節明明D野無平到又只係清舊貨,D人都會衝去買,仲會上電視講好抵買…唉

今年唔知發乜癲,入面係度賣トンファー,中文唔知點叫,一個ト字咁o既武器,全鐵製仲要同鐵馬咁硬,根本好似係鐵馬上面界O既咁,我覺得好危險囉…你話拎重紙造都仲話丫,鐵喎,下年你唔好賣鐵蓮花?

D刀刀劍劍就年年都有,其實講真丫,都唔知入面係個特賣場定叫動漫節好…

老翻最多當然係ねんどろいど,除左賊船之外都應該無乜邊間係賣緊真野,其他模型都仲話有真野,NENDO真係完全唔見有真野,全部假野

有D舖就好老實,個價一隻賣百五蚊,真係睇都知係假野
但有D就好賤,明明係假野仲要賣成三舊水,唔止係出面租個BOOTH果D公司賣假野,連XZONE果邊D叫做同人或者手作仔O既攤都係成堆假野係度

入去好似返左深圳返左大陸咁…

 

另外果隻神魔抄塔,我都唔知到底有乜野好玩,間公司又膠,又話自己唔係抄但係當初又要扮韓國公司出GAME,想點?

整個BOOTH都唔知佢做緊乜,影相果D全部都係佢自己公司D人…

我覺得有時D野,你就算大大聲講我係抄,都唔會有人吹得你脹

但就唔好又要姣又怕痛

 

 

香港賣書仔果D仲正,永遠都係校園版哩個套路