第四回龍馬脱藩マラソン(番外編)

IMG_20151011_145208

時間倒流返前少少,大概仲有半個幾鐘終點先關門果陣時,大會有個廣播,就話比賽仲未完,如果可以請大家一齊去終點度幫衝線嘅跑手打氣

我同宇都宮先行都落左去睇,川口先生岩岩返到就去左食飯

每次係好遠處見到有跑手轉入去,所有人都會拍手同大叫加油,哩樣係我跑咁多個比賽未見過,有跑手幫其他跑手打氣

望下個鐘,每次都諗會唔會仲有人到,佢地仲趕唔趕得切,其他跑手都估哩個人會唔會係最後一個衝線

現實好殘酷,係淨返1分鐘左右時間,離終點大概300米左右距離,有兩個跑手岩岩轉入最後大直路…

果一下我個人都忍唔住,跑過去幫佢地打氣同提佢地淨返時間唔多,但如果加油用力跑過去可能仲趕得切,終點前100米左右有條橋,佢地去到果個位時仲有20秒,但果100米對於佢地黎講真係太長太遠,始終經歷左42公里路程,最後佢地以6:00:10衝線,雖然衝線,但實際上DQ左,可惜

我果下同宇都宮先生講,佢地NET TIME其實可能係6小時以內,如果佢地起步果陣時企前啲可能就趕得切…但命運係咁就係咁,無辦法

“第四回龍馬脱藩マラソン(番外編)” の続きを読む

第四回龍馬脱藩マラソン(下)

IMG_20151011_083300

本來打算一朝早執好野就博有冇順風車可以車我過起點果邊,不過宇都宮先生有車就搭佢果架唔洗走出去自己搵

一早起身沖個涼換好衫執好野準備好晒,食左個隔夜蜜瓜包之後就上車,去到停車場停好車,發現原來周圍都係愛媛車牌,仲多過高知,其實我仲發現有福岡車牌,我當初一個終極計劃就係搵福岡車牌嘅車睇下有冇可能搭順風車返到福岡…就算唔到福岡返到去九洲都好丫…

“第四回龍馬脱藩マラソン(下)” の続きを読む

第四回龍馬脱藩マラソン (上)

IMG_20151011_083437

黎日本之前一直都好想跑嘅一場馬拉松,係四國高知縣梼原町舉行
以板本龍馬180年前由土佐脫藩時所行嘅路線組成,由土佐跑到伊予邊境,高低差550米登山馬拉松

無題

前身係四国カルストマラソン,不過後來停辦之後就改左個名叫龍馬脱藩マラソン

高低差550米即係點,我拎佢同渣打馬拉松做個比較

SCM上面哩張係渣打馬拉松標高

 

 

RYOUMA

哩張係龍馬脫藩馬拉松標高
前20K基本上係一直上一直上,,直到20K脫藩地點之前果4公里一共上升320米 “第四回龍馬脱藩マラソン (上)” の続きを読む