第四回龍馬脱藩マラソン(完)

話說果晚我係度諗,宇都宮先生問我一唔一齊去道後溫泉,佢話佢有幾張贈劵可以用,其實佢個意思係咪話果晚佢可以收留我係佢屋企過一晚夜,仲可以請埋我食飯呢?

果日一路開車我一路係度搵酒店,中間都話好貴,平果種就滿晒,佢都問我搵唔搵到酒店我話搵唔到,不過總會有辦法解決

日本人通常都係咁,哩D野唔會直接講出黎,可能怕羞,可能怕失禮,哩D同香港人唔一樣,香港人如果有哩個諗法第一句就話你今晚無地方落腳不如去我度瞓咁
不過而家諗都無用,下年2月如果報到名跑愛媛馬或者再跑一次脫藩先去呃飯食啦

其實脫藩真係跑完果日就已經想再跑多次,今次一定要報大仇

“第四回龍馬脱藩マラソン(完)” の続きを読む

第四回龍馬脱藩マラソン(番外編)

IMG_20151011_145208

時間倒流返前少少,大概仲有半個幾鐘終點先關門果陣時,大會有個廣播,就話比賽仲未完,如果可以請大家一齊去終點度幫衝線嘅跑手打氣

我同宇都宮先行都落左去睇,川口先生岩岩返到就去左食飯

每次係好遠處見到有跑手轉入去,所有人都會拍手同大叫加油,哩樣係我跑咁多個比賽未見過,有跑手幫其他跑手打氣

望下個鐘,每次都諗會唔會仲有人到,佢地仲趕唔趕得切,其他跑手都估哩個人會唔會係最後一個衝線

現實好殘酷,係淨返1分鐘左右時間,離終點大概300米左右距離,有兩個跑手岩岩轉入最後大直路…

果一下我個人都忍唔住,跑過去幫佢地打氣同提佢地淨返時間唔多,但如果加油用力跑過去可能仲趕得切,終點前100米左右有條橋,佢地去到果個位時仲有20秒,但果100米對於佢地黎講真係太長太遠,始終經歷左42公里路程,最後佢地以6:00:10衝線,雖然衝線,但實際上DQ左,可惜

我果下同宇都宮先生講,佢地NET TIME其實可能係6小時以內,如果佢地起步果陣時企前啲可能就趕得切…但命運係咁就係咁,無辦法

“第四回龍馬脱藩マラソン(番外編)” の続きを読む

第四回龍馬脱藩マラソン(下)

IMG_20151011_083300

本來打算一朝早執好野就博有冇順風車可以車我過起點果邊,不過宇都宮先生有車就搭佢果架唔洗走出去自己搵

一早起身沖個涼換好衫執好野準備好晒,食左個隔夜蜜瓜包之後就上車,去到停車場停好車,發現原來周圍都係愛媛車牌,仲多過高知,其實我仲發現有福岡車牌,我當初一個終極計劃就係搵福岡車牌嘅車睇下有冇可能搭順風車返到福岡…就算唔到福岡返到去九洲都好丫…

“第四回龍馬脱藩マラソン(下)” の続きを読む