原來已經成年無寫過野

不知不覺原來個DOMAIN已經俾我用左成12年

年年都諗住唔續落去但結果年年都係HOLD住

就算連自己都唔黎都多少有D感情

我諗我到死之前我都會繼續續落去,然後臨死之前一炮過續多十年

成年無用過,今次最大改變係換左間HOSTING,以前用香港公司,得果500MB就要成三百幾蚊一年,雖然容量唔係問題,但係三舊幾一年唔用都幾貴

所以前幾日收到EMAIL到期就去搵另一間,而家轉左去一間外國公司,SERVER放係盧森堡,言論自由比香港大,唔計洗頭艇應該比香港安全好多

最重要係個價錢,一年40蚊1GB SSD仲要包一粒IP,個SERVER D野仲要先進過香港果個好多

真係望返過去10年交果D年費單,我DIU出聲

第四回龍馬脱藩マラソン(完)

話說果晚我係度諗,宇都宮先生問我一唔一齊去道後溫泉,佢話佢有幾張贈劵可以用,其實佢個意思係咪話果晚佢可以收留我係佢屋企過一晚夜,仲可以請埋我食飯呢?

果日一路開車我一路係度搵酒店,中間都話好貴,平果種就滿晒,佢都問我搵唔搵到酒店我話搵唔到,不過總會有辦法解決

日本人通常都係咁,哩D野唔會直接講出黎,可能怕羞,可能怕失禮,哩D同香港人唔一樣,香港人如果有哩個諗法第一句就話你今晚無地方落腳不如去我度瞓咁
不過而家諗都無用,下年2月如果報到名跑愛媛馬或者再跑一次脫藩先去呃飯食啦

其實脫藩真係跑完果日就已經想再跑多次,今次一定要報大仇

“第四回龍馬脱藩マラソン(完)” の続きを読む

Nana Mizuki Live Adventure 2015 in Kita-Kyushu

我發現我無寫過LIVE ADVENTURE,都差唔多7個月之前

IMG_20150807_120622

本身係想踩單車由福岡上去小倉,但係果排成35度都有,踩75公里路上去可能未去到已經中暑死左,之前試過一次由博多踩到上宗像,一日來回,本身個人跑步時已經曬黑,然後果日又曬紅變關公,過多兩日變左個非洲人 “Nana Mizuki Live Adventure 2015 in Kita-Kyushu” の続きを読む